మదనపల్లె (జూలై 30):( gtvmedia)
ఆంధ్రప్రదేశ్ రాష్ట్రంలో త్వరలో ఘనంగా నిర్వహించనున్న కురువ సంఘం ప్రతిష్టాత్మక సమావేశానికి రావాల్సిందిగా కేంద్రమంత్రి ఎస్.పి.సింగ్ బగేల్కు ఆహ్వానం అందింది.
గురువారం న్యూఢిల్లీలోని కేంద్రమంత్రి కార్యాలయంలో ఆంధ్రప్రదేశ్ కురబ సంఘం నాయకులు ఆయనను మర్యాదపూర్వకంగా కలిశారు. ఈ సందర్భంగా కార్యక్రమానికి సంబంధించిన వివరాలను కేంద్రమంత్రికి వివరించిన నాయకులు, ఆయనను ముఖ్య అతిథిగా హాజరుకావాలని కోరారు.
కార్యక్రమ వివరాలు:
విషయం: సౌత్ ఇండియా ఓబీసీ రెండవ వార్షికోత్సవం మరియు ఏపీ ‘అలైబలై’ ఆత్మీయ సమ్మేళనం.
తేదీలు: నవంబర్ 3 మరియు 5వ తేదీలు.
భాగస్వామ్య వర్గాలు: కురుబ, కురుమ, కురవం, కురుబన్ సామాజిక వర్గాల సంయుక్త నిర్వహణ.
దక్షిణ భారతదేశంలోని కురుబ, కురుమ, కురుబన్ మరియు ధన్గర్ వర్గాల మధ్య ఐక్యతను పెంపొందించడమే లక్ష్యంగా ఈ ‘అలైబలై’ కార్యక్రమాన్ని నిర్వహిస్తున్నట్లు ప్రతినిధులు తెలిపారు.
ఈ కార్యక్రమంలో సౌత్ ఇండియా కురుబ, కురుమ, కురుబన్ మరియు ధన్గర్ సంఘం ప్రతినిధి, సౌత్ ఇండియా ఓబీసీ అధ్యక్షుడు జబ్బల శ్రీనివాసులుతో పాటు ఇతర ముఖ్య నాయకులు పాల్గొన్నారు.
