మదనపల్లె, ఆగస్టు 22:( gtvmedia)దేశవ్యాప్తంగా 10 కోట్ల మందిని వ్యసనాలకు దూరంగా తీసుకెళ్లి వ్యసనముక్త సమాజ నిర్మాణానికి కృషి చేయాలనే లక్ష్యంతో ప్రత్యేక కార్యక్రమాలు నిర్వహిస్తున్నట్లు నిర్వాహకులు తెలిపారు.
రాజయోగిని దాది ప్రకాశమణి గారి పావన స్మృతి సందర్భంగా నిర్వహిస్తున్న ఈ కార్యక్రమంలో భాగంగా నశా ముక్త్ భారత్ అభియాన్ ద్వారా ప్రజల్లో మాదకద్రవ్యాలు, పొగాకు, మద్యం తదితర వ్యసనాల వల్ల కలిగే అనర్థాలపై అవగాహన కల్పించేందుకు చర్యలు చేపడుతున్నట్లు పేర్కొన్నారు.
వికసిత భారతదేశ నిర్మాణానికి ఆరోగ్యకరమైన, వ్యసనరహిత సమాజం ఎంతో అవసరమని నిర్వాహకులు తెలిపారు. యువత ముఖ్యంగా వ్యసనాలకు దూరంగా ఉండి విద్య, ఉపాధి, సామాజిక సేవ, దేశ నిర్మాణం వైపు అడుగులు వేయాలని పిలుపునిచ్చారు.
ఈ కార్యక్రమంలో భాగంగా ప్రజలకు వ్యసనాల వల్ల కలిగే శారీరక, మానసిక, ఆర్థిక, సామాజిక నష్టాలను వివరించడంతో పాటు వ్యసనాలను విడిచిపెట్టేందుకు అవసరమైన అవగాహన, మార్గదర్శకత్వం అందించనున్నట్లు తెలిపారు.
2026 ఆగస్టు 6 నుంచి 20 వరకు ప్రత్యేక కార్యక్రమాల ద్వారా వ్యసన విముక్తి సందేశాన్ని ప్రజల్లోకి తీసుకెళ్లినట్లు నిర్వాహకులు వెల్లడించారు.
వ్యసనరహిత కుటుంబం.. వ్యసనరహిత సమాజం.. ఆరోగ్యకరమైన భారత్ అనే లక్ష్యంతో ప్రతి ఒక్కరూ ఈ ఉద్యమంలో భాగస్వాములు కావాలని వారు కోరారు.
“వ్యసనాలకు దూరంగా ఉండండి.. ఆరోగ్యకరమైన భవిష్యత్తు వైపు అడుగులు వేయండి” అని నిర్వాహకులు ప్రజలకు పిలుపునిచ్చారు.
