సోంపల్లి మాధవ్ను అదుపులోకి తీసుకున్న ఏసీబీ అధికారులు
నెల్లూరు జిల్లా: (gtvmedia)అవినీతి నిరోధక శాఖ (ఏసీబీ) అధికారులు చేపట్టిన దాడిలో రూ.3 లక్షల లంచం వ్యవహారం వెలుగులోకి వచ్చింది. సోమశిల నీటిపారుదల శాఖకు చెందిన కొంతమంది అధికారులు లంచం తీసుకుంటున్నారనే ఆరోపణలపై ఏసీబీ అధికారులు చర్యలు చేపట్టారు.
లంచం మొత్తంగా పేర్కొన్న రూ.3 లక్షల నగదును నీటిపారుదల శాఖ అధికారుల తరఫున ప్రైవేట్ కాంట్రాక్టర్ సోంపల్లి మాధవ్ తీసుకుంటున్న సమయంలో ఏసీబీ అధికారులు పట్టుకున్నట్లు సమాచారం.
ఈ వ్యవహారంలో కాంట్రాక్టర్ సోంపల్లి మాధవ్తో పాటు సంబంధిత నీటిపారుదల శాఖ అధికారులను కూడా ఏసీబీ అధికారులు అదుపులోకి తీసుకుని విచారణ చేపట్టినట్లు తెలుస్తోంది.
లంచం డిమాండ్, నగదు స్వీకరణకు సంబంధించి ఏసీబీ అధికారులు పూర్తి వివరాలను సేకరిస్తున్నారు. ఈ కేసులో మరికొందరి పాత్రపై కూడా దర్యాప్తు కొనసాగుతున్నట్లు సమాచారం.
అవినీతికి పాల్పడే ప్రభుత్వ ఉద్యోగులు, అధికారులపై కఠిన చర్యలు తీసుకుంటామని ఏసీబీ అధికారులు హెచ్చరిస్తున్నారు.
