మదనపల్లె, అక్టోబర్ 24: మదనపల్లె మున్సిపల్ ఎన్నికల నేపథ్యంలో పట్టణంలో రాజకీయ కార్యకలాపాలు కొనసాగుతున్నాయి. ఈ క్రమంలో రాష్ట్ర రవాణా శాఖ మంత్రి మండిపల్లి రాంప్రసాద్ రెడ్డి, మదనపల్లె మున్సిపల్ చైర్మన్ అభ్యర్థి గుండ్లపల్లి శ్రీరామ కుమార్ (చినబాబు) స్వగృహానికి విచ్చేశారు.
ఈ సందర్భంగా కూటమి నాయకులతో మంత్రి సమావేశమై మున్సిపల్ ఎన్నికలకు సంబంధించిన వ్యూహాలు, ప్రచార కార్యక్రమాలు, భవిష్యత్ కార్యాచరణపై చర్చించినట్లు సమాచారం.
మున్సిపల్ ఎన్నికల నేపథ్యంలో కూటమి నాయకుల మధ్య జరిగిన ఈ సమావేశం ప్రాధాన్యత సంతరించుకుంది. ఎన్నికల ప్రచారం, సమన్వయం, తదుపరి కార్యక్రమాలపై నాయకులు చర్చించినట్లు తెలుస్తోంది.
