బీసీలకు 5 స్థానాలు.. మహిళలకు 5 కార్పొరేషన్లు.. చిత్తూరు బీసీ జనరల్
అమరావతి: ఆంధ్రప్రదేశ్‌లోని 17 మున్సిపల్ కార్పొరేషన్ల మేయర్ పదవులకు సంబంధించిన రిజర్వేషన్ల వివరాలు ప్రభుత్వ నోటిఫికేషన్‌లో వెల్లడయ్యాయి. ఈ వివరాల ప్రకారం బీసీ వర్గాలకు ఐదు, మహిళల (జనరల్) కేటగిరీకి ఐదు మేయర్ స్థానాలు కేటాయించారు. ఎస్సీలకు రెండు, ఎస్టీలకు ఒక స్థానం కేటాయించగా, మరో నాలుగు స్థానాలను అన్‌రిజర్వుడ్ కేటగిరీలో ఉంచారు.
ఏ కేటగిరీకి ఎన్ని స్థానాలు?
నోటిఫికేషన్‌లోని షెడ్యూల్‌–I ప్రకారం మొత్తం 17 మేయర్ పదవుల్లో ఎస్టీలకు ఒకటి, ఎస్సీలకు రెండు, బీసీలకు ఐదు, మహిళలు (జనరల్) కేటగిరీకి ఐదు, అన్‌రిజర్వుడ్ కేటగిరీకి నాలుగు స్థానాలు కేటాయించినట్లు పేర్కొన్నారు.
ఏ కార్పొరేషన్‌కు ఏ రిజర్వేషన్?
నోటిఫికేషన్‌లోని షెడ్యూల్‌–II ప్రకారం:
- మంగళగిరి–తాడేపల్లి – ఎస్టీ (జనరల్)
- కర్నూలు – ఎస్సీ (మహిళ)
- రాజమహేంద్రవరం – ఎస్సీ (జనరల్)
- కాకినాడ – బీసీ (మహిళ)
- మచిలీపట్నం – బీసీ (మహిళ)
- ఏలూరు – బీసీ (జనరల్)
- అనంతపురం – బీసీ (జనరల్)
- చిత్తూరు – బీసీ (జనరల్)
- విజయనగరం – మహిళలు (జనరల్)
- శ్రీకాకుళం – మహిళలు (జనరల్)
- గుంటూరు – మహిళలు (జనరల్)
- కడప – మహిళలు (జనరల్)
- గ్రేటర్ విశాఖపట్నం మున్సిపల్ కార్పొరేషన్ (జీవీఎంసీ) – మహిళలు (జనరల్)
- తిరుపతి – అన్‌రిజర్వుడ్
- విజయవాడ – అన్‌రిజర్వుడ్
- ఒంగోలు – అన్‌రిజర్వుడ్
- నెల్లూరు – అన్‌రిజర్వుడ్
